لأن السوق السوري يستحق أكثر
في سوريا، قرار "وين آكل؟" أو "مين الدكتور الأفضل؟" أو "هالمحل زبالته كيف؟" كان دايمًا بيعتمد على معرفة شخصية — إذا ما عندك واحد يعرف، بتضل تخمّن وبتدفع وأحياناً بتندم.
صريح بيكسر هالمعادلة: منصة واحدة بتجمع آراء حقيقية من أناس حقيقيين، بهوية موثقة — مو مجاملات، مو تقييمات مشترية، مو كلام فاضي.
اسمنا مأخوذ من قيمتنا الأساسية — الصراحة. ما نخبّي تقييم سلبي، ما نبيع ظهور، ما ندفع لحدا يكتب كلام فارغ. بس الرأي الحقيقي اللي عاشه صاحبه.
من سؤال بسيط لمنصة حقيقية
البحث الميداني في دمشق
بدأنا بسؤال واحد: "هل المستهلك السوري محتاج منصة تقييم؟" خرجنا للشارع، استطلعنا 51 شخصاً، وكانت الأرقام أكبر من توقعاتنا.
بناء أول نسخة — MVP
ركزنا على المطاعم والكافيهات كفئة أولى، بنينا profiles لأكبر الأماكن، وبدأنا نجمع أول تقييمات حقيقية.
أول تقييمات بهوية محققة
مستخدمون حقيقيون، بهويات موثقة، بدأوا يشاركون تجاربهم — إيجابية وسلبية على حد سواء. هون بدأت صريح فعليًا.
التوسع لكل القطاعات
نوسّع لعيادات، فنادق، مراكز تعليمية، محلات — كل نشاط تجاري في سوريا يستحق تقييم عادل وشفاف.
ما نؤمن فيه
الهوية الحقيقية
كل تقييم مرتبط بشخص حقيقي. نظام KYC يضمن ما في مجال للتلاعب.
التوازن والنزاهة
ما نحذف التقييمات السلبية. الصورة الكاملة، إيجابية وسلبية، أهم من الصورة المزيفة.
النمو العادل
الأنشطة التجارية الجيدة تستحق تقييم جيد. ما نبيع ترتيب ولا نخدع المستهلك.
صغار بالحجم، كبار بالطموح
مؤمنون إنو المستهلك السوري يستاهل أدوات تحميه وتساعده — مثل أي مستهلك في العالم. كل قرار منصنعه بيبدأ بسؤال: "هل هيدا بيخدم المستخدم؟"
إذا إنت كمان مؤمن بهيدي الرؤية، يسعدنا تنضم لفريقنا أو تتواصل معنا.