بافلاي برغر

بافلاي برغر أكلهم طيب كتير والطعمة بتشهي وبشكل عام خيار ممتاز للبرغر. جربت أكتر من فرع، بس للأمانة فرع الشعلان ما كان بالمستوى المطلوب، التقديم كان ناقص وجودة الأكل مو متل باقي الفروع. يا ريت يهتموا بتوحيد المستوى بكل الفروع لأنو الأكلة بحد ذاتها طيبة وبتستاهل. إذا بدكم تاكلوا برغر طيب، جربوا فروع تانية غير الشعلان، وان شاء الله المرات الجاية بيتحسن الوضع وبنلاقي نفس الجودة بكل مكان.

طلبت من فرع المزرعة برغر جاج مقلي بالخردل والعسل وكالعادة البرغر ولا غلطة، برغر المقلي عند بافلاي بالذات مميز كتير عن غيرو، ميكس المكونات كان شبه مثالي وطعمة الصوص ظاهرة بس بطريقة ما تكون مزعجة، وصوص الشيدر عندو كتير طيب
وطلبت حلقات بصل وللأمانة كانت قبل أطيب خاصة القرشة من برا بس بجوز لأن الوقت متأخر.

بصراحة، بافلي برغر شي فخم عنجد! أنا كتير حبيت البرغر عندن، الطعمة كانت شي خيالي. خصوصاً البرغر المشوي عندن، كان غير شكل ومميز كتير عن أي مكان تاني. المحل بشكل عام جوه حلو والأكل بيستاهل التجربة، أكيد رح ارجع أطلب من عندن مرة تانية.