حلويات الرئيس

جربت الدونات والكرواسون والكيك، تجربة أقل ما يقال عنها سيئة، أو لأني رفعت توقعاتي عنه، أولًا الكرواسون كان أسوأ كرواسون دقته، للأسف حتى أي مخبز عشوائي بالريف بيعمل أطيب منه. الشوكولا الي على الكرواسون طعمتها حرق لا تمت بصلة للشوكولا،. الدونات مزيتة، والشوكولا المستخدمة فيها مليانة زيت، رغم ان اسمها "نوتيلا". اما الكيك فكان الأحسن، مع هيك المانجا المستخدمة دابلة، والكريمة نباتية بوضوح. المشكلة أن الأسعار لا تتناسق مع الجودة أبدًا. وأخيرًا المعاملة، حتى المعاملة غالب المرات كان سيئة، الموظفين بحدقوا فيك كأنك عم تزعجهم. مستحيل عيدها واشتري من عنده.

جربت الكروسان من عند حلويات الرئيس وكان فعلاً كتير طيب ومميز بالطعم، شي بيفتح النفس بصراحة. السعر كان مقبول ومناسب للجودة اللي قدموها. بس لاحظت إن باقي الأصناف تانية أسعارها مرتفعة شوي ومو دايماً بتناسب الكل. بشكل عام المكان جيد جداً والحلويات شغل مرتب، بنصح الكل يجربوا الكروسان تبعهم، وإن شاء الله بيعملوا عروض على باقي الأصناف بالفترة الجاية.

جربت الحلويات والبيكري عند الرئيس وكانوا فعلاً شي بيبيض الوش، الطعم موزون والتحضير طازة ومبين عليه شغل نظيف. المكان كتير معروف بهالقصص وكل شي بيعملوه طيب وبيشهي. صراحة مستواهم عالمي بهي الأمور، بس ياريت لو بيراجعوا الأسعار شوي لأنها شوي غالية مقارنة بغير أماكن. بالنسبة للطبخ لسا ما جربت، بس أكيد رح أرجع أجرب أصناف تانية بالمرات الجاية لأن الجودة والخدمة عندهم ممتازة.

حلويات الرئيس اسم معروف و سمعان فيه من سمعته و قلت لجربه و طلبت كروسان شوكولا محشي من برا و مغطس من جوا كان تازة و و كأنو معمول بزبدة ف ممتاز و طيب بشكل ما طبيعي و تعاد و بشدة و لكن الاسعار غالية شوي

شو بدي احكي عنو في كتير تجارب ووقت بشوف الصور من قبل بلاقي اغلب تصويري للاكل من عندكم بس هلق بسبب الاسعار المرتفعه صرت كتير بحسبها اذا بدي جيب من عندو.. الطعمه والجوده ماتغيرت بس الاسعار كتير مرتفعه.. والشوكولا عندو حلوه زياده..بس النضافه والاستقبال توب

الرئيس بشكل عام من المحلات القوية التعامل جيد والتنظيم منيح بس مشكلته بالتشيز كيك السكر كتير كتير زيادة وكمان البيتيفور سعرو غالي بالنسبة لجودة المواد والسمنة الموجودة في بعض الاصناف موفقة عندو اكتر من اصناف تانية مثل الكروسان والميني ساندويش والاسعار بدها دراسة

كتير كتير بحب الحلويات عندو ريحة المحل بتشهي
كتير نضيف وكتير مرتب
طريقة التقديم مميزة حتى

حلويات الرئيس بشكل عام طيبة وريحتها بتشهي من قبل ما تفوت المحل. الخدمة ممتازة كتير والشباب بيرحبوا بالزبون وهالشي حلو. في أصناف كتير وشكلها بجنن، وطعمها كمان لذيذ. بس المشكلة الوحيدة هي الأسعار، حاسسها غالية شوي. ممكن يكون السبب موقع المحل أو شي تاني، بس لو الأسعار كانت أنسب كان صار خياري الأول دائماً.

اكتر شي كان يجذبني للمحل اسمو وريحة شغلو الريحة خيال مابتنوصف بتخليك تشتري حتى وانت شبعان لمجرد انك بس شميتها المعاملة جدا راقية بعض الأصناف (البعض) سعرها فيه شوية صغير من المبالغة يعني لو بكون السعر أقل بكون منطقي

ما بيمرق اسبوع بدون حلويات الرئيس المعاملة الاكابرية قبل الاكل الخارق
المحل الوحيد بالشام يلي متفرد و مميز بشكل كامل