قصر السلطان

من ناحية تجربة الطعام فهي كانت اكتر من ممتازة خاصة الاكل الشرقي شي مرتب عالأدب بس عطيت 4 بسبب الازدحام الكبير

الاكل طيب والخدمة ممتازة بس لو ما بيكون عجقة كتير لانو اغلب الاوقات ما منلاقي مكان تجربتي معهم منيحة اكتر من مرة ومعاملاهم جدا منيحة مع الزبون

قصر السلطان عنجد مكان بجنن كل مرة بجي بلاقي الأكل الشرقي بياخد العقل بحس حالي عم آكل أكل بيت مو مطعم😂😍 الطعم دايماً فريش ونظيف والجو كتير حلو ومريح صرت ما بقدر آكل أكل شرقي إلا عندن، عنجد تجربة ممتازة وبتستاهل كل مرة أجي عليها.

من مده كان عامل عرض على وجبات الجاج ب95 الف على ما اذكر مع سلطه وعصير
يوميتا رحنا طلبنا 3 وجبات مع 3 سلطات كتير طيبين كميه السلطه صغيره بس كافية بما انو عرض.. كان مع الوجبه سلطه كول سلو فخخخخمه وطلبنا عصير برتقال فريش كتير كان ظريف وضيفونا بالاخير براونيز.. السعر مع المي والضريبه كان بحدود ال105 عالشخص
والقعده عندو رايقه وواسعه بس لو يفصلو مكان لغير المدخنين ويستغلو المساحه الكبيره يلي عندن بالمطعم ويكون في قسم مسموح التدخين وقسم لا.. غير هيك كلشي ظريف

القعدة كتير حلوة والمكان شرح كتير.
الخدمة جدا جدا ممتازة والاركيلة كتير طيبة.
والاسعار نوعا ما مناسبة.
بصراحة اكتر شي حبيت الخدمة والاهتمام بالزبائن من قبل كادر العمل

كل مرة منروح مننبسط بكل شي ✨