تطبيق صريح
أسرع وأسهل — جرّبه على هاتفك
تحميل
صوت التغيير
تقييم Broil
جربنا اكتر من مرة فرع الدامسكينو مول ..
العروض عندوحلوة اذا كان شلة رايحين والاكل طيب الصوصات عندو غريبة والجاج مانو مزنخ
طلبنا مبارح عرض بيجي مشكل ٣٠ قطعة كريسبي واسكالوب وناغتس وجوانح وفخاد
الفخاد مستويين بس كان لونن من جوا بين الاحمر والزهري فما اكلناهن مابعرف شو السبب بس لازم ينتبه لهاد الموضوع بينما باقي القطع كانو كلن تمام وطيبين ولون الجاج من جوا ابيض نظامي ومستوي
بالنسبة لهاد العرض بيجي معو علبتين سلطة وكولا لتر و٦ صوصات وبيجي معن كمية بطاطا منيحة
صور السندويش من تجربة قديمة تقريبا بشهر ٥
تقييم Xo Box
جربنا تريلشتا تركية طيبة كتير جبنا ٣ غالاكسي ولوتس وبستاشيو
نكهة الكيك طيبة والشوكولا غنية وفيها نستلة
عندو اصناف منوعة كتير ومرة جربنا من عندو العصير طيب كمان
معاملة المحل كتير حلوة ضيفنا شوتات صغيرة عصير لبين ما نقينا الطلب
السعر كتير معقول ومو غالي بالنسبة للحجم والنكهة
سعر الوحدة ٣٣ الف
تقييم loop cafe
جو الكافيه رايق كتير فيه اماكن برا للقعدة بس قلال شوي
تجربتي عندو من شي شهرين تقريبا وانا من اول ما فتح بنزل لعندو جودة المشروبات ما تغيرت ..الاركيلة طيبة واسعارو منطقية ومناسبة
جربنا الميلك شيك عندو فيه كتير نكهات وكلن طيبين
بنصح فيه لاي حدا حابب يقعد قعدة رايقة او اذا كان حابب يلعب العاب غريبة ..بيعملو افنتات احيانا ضمن الكافيه
تقييم مطعم الجناني
"التجربة كانت من فرع جرمانا "
انا ع طول بشتري من عندن مسبحة عادية
بس من شهر تقريبا جبت علبة محمرة كانت طيبة كتير والله عليها جوز من فوق وهي فيها جوز مطحون ودبس رمان ونكهتا كتير طيبة سعرا بتذكر كان
عندن مسبحة بدبس الرمان طيبة للي بحب الحامض الزيادة شوي
كان من زمان يسخى اكتر بتزيين الفتة والتقديم تبعا
بس بالشتوية اشتريت كانت طيبة وطعمتا مميزة بس انو كان يدعما اكتر اول
تقييم الآغا
مجرب من عندو وجبة الكريسبي باربكيو عظيمة كتير
مجرب من عندو الشاورما العربي ...ترفع له القبعة الجاج طيب مو مزنخ والسندويشة مو زفرة بنوب متل باقي مطاعم الشاورما وبنفس الوقت مو ناشفة
الوجبة العربي عندو شوية مخلل وعلبة توم وعلبة حد وشوية بطاطا " في مطاعم تانية السرفيس تبعا اكبر بس طيابة الجاج بتشفع بهاد الموضوع وعن نفسي ما بقا جبت شاورما غير من عندو
الريزو طيبة بس ناشفة الصحن كبير بس الرز الابيض ناشف لو بيعملا برز كبسة وبزيد شوية بهارات افضل وشكل الصحن بصير احلى
المكان نضيف كتير اماكن التقديم معزولة عن الخارج
تقييم فلافل على كيفك
طلبنا من عندو سندويش بطاطا وبيبروني الاكل طيب ما باه شي وسعرا عادي تقريبا ٢٥ او ٢٨ الف مو كتير متذكر
بس في كتير ملاحظات بتتعلق بالنضافة والخضرا المحطوطة ع واجهة قزاز بدون اي ستارة هوائية
تقييم بيت ستي
التجربة من سنتين او اكتر شوي
الوجبات طيبة كتير واسعارو كانت ممتازة مقارنة بحجم وجودة الاكل
الاركيلة ماكانت زيادة صراحة ما بعرف لو عدلا
المهم انو هو ما بقدم ولا بيسمح بالمشروب فهو مناسب جدا للعائلات والاشخاص المحافظين
تقييم Road house
الصوصات عندو اصلية وهاد اكتر شي مهم برأيي انو يطلع النكهة صح
البرغرات متنوعة كتير وبتناسب الكل
اسعارو متناسبة مع الجودة ..متوسطة لغالية حسب الصنف
بس العروض تبعيتو ممتازة برأيي
البرغر بتبين صغيرة بس هي مشبعة
تقييم Super star
الوجبة كتير مشبعة وطيبة
عادة بطلب كاساديا الوجبة كبيرة ومشبعة وطيبة
البوكس عندو كمان طيب
احسن شي فيه انو ما تغيرت جودة الاكل من زمان هي نفسا
الشي الوحيد انو البطاطا لازم يشتغل شوي عليها اكتر احيانا بتكون بايتة
تقييم الآغا
مجرب من عندو وجبات شاورما / برغر الناتشوز / بوفالو كريسبي
وجربت السوبريم هي طيبة بس هدوليك اطيب انا ماكتير بحب الجاج المفروم
اسعارو مناسبة ووجبتو بتشبع
البطاطا الي بتجي مع الشاورما كل مرة كنت اطلب كانت تكون مبينة جديدة مو بايتة
تقييم بروستد القصور
جربت من عندو الماريا طيبة كتير وكبيرة كتير مستحيل شخص واحد يكملا بدا ٢ ركد
كان باعت معا صوصات كتير يمكن البطاطا شوي كانت قليلة المشكلة الوحيدة انو بس موجودة بفرع شارع بغداد باقي الافرع ما لاقيتا
تقييم سناك الرواد
الاكل طيب كتير ومزوق بالتعامل
والسندويشة مرتبة
مجرب من عندو البطاطا / بطاطا بقشقوان
ومن زمان مجرب سندويشة فيها كريسبي ولحومات تانية كلن كانو طيبين
يمكن لو بس بيعمل مكان للواحد يقعد بكون تمام
تقييم أكشن بيتزا
ممتاز ولايعلى عليه حرفيا كل شي عندو طيب وخصوصا البطاطا / في تنوع كبير وكل النكهات مرتبة
ماجربت ولا مرة اصناف الحلو
الاسعار وقت غلي الجاج رفع اسعار كم صنف ومانزلا بس رجع نزل / عروض مافي الا نادرا ولا حتى عتطبيقات التوصيل
باقي الاسعار افضل من المنافسين
تقييم مأكولات الشام
طلبت مرة شاورما سندويش وتفاجأت انو الطلب مشي بسرعة خيالية وطلع معمول قبل وكان بارد وبايت بشكل واضح وصارت بالماريا مرة اكلو طيب بس اذا سفري انت وحظك يا بتنطر كتير او بتمشي بسرعة باكل بايت
ومشكلة المشردين بين طاولات الاكل شيء مقرف وحتى انن بنطو لقدام مكان الطلبات وبحطو ايديهن بكل مكان مو كتير شي زابط باعتبارو محل اكل
