تطبيق صريح
أسرع وأسهل — جرّبه على هاتفك
تحميل
بطل صريح
تقييم مستر بطاطس
تعرفت عالمطعم بزيارتي عاللادقية ، ما توقعت الكرم واللطافة والاستقبال الحلو ، طلبت سندويشة اسمها تويستر وبطاطا بوتين ، الطعمة بتجنن ، بنصح الكل يجربوه
انشالله الف صحة استاذ محمد ❤️🙏
نسعى لنكون الافضل باللادقية انشالله
تقييم فلافل المعرض
فلافل المعرض بياخدك لزمن الذكريات الحلوة. من وقت ما كنا نخلص مدرسة ونركض لعنده مشان ناكل سندويشة بطاطا، لهلأ لسا محافظ على نفس الجودة والطعم الأصيل اللي تعودنا عليه. شي بيفتح النفس وبيرجعلك ذكريات الطفولة بكل لقمة. أكيد المكان بيضل خيارنا الأول كل ما اشتقنا للأكل الطيب والنضيف. الله يعطيهم العافية، فعلاً مكان بيستاهل كل التقدير.
تقييم Xo Box
جربت عندهم سلاش فيتامين، مزيج البرتقال والدراق كان خيالي ومو عادي. أكتر شي عجبني فيه إنه طعمه طبيعي كتير ومو متل باقي المحلات اللي بتعتمد على السكر والملونات. عن جد كان منعش ومثالي لهي الأجواء، وحسيت المكونات طازجة ومدروسة صح. أكيد رح أرجع أجربه مرة تانية لأن المكان بيستاهل والخدمة كانت سريعة ولطيفة. تجربة بتفتح النفس.
تقييم جدو ابو عماد
تجربتي عند جدو ابو عماد كانت منيحة، الأكل عنجد طيب ونكهته بتشهي والجودة واضحة بكل لقمة. بس المشكلة الوحيدة هي التأخير بالطلبات، يعني إذا كنت جوعان كتير ومستعجل مو أحسن خيار، لأنك غالباً رح تنطر شوي ليجهز أكلك. هاد المكان بيناسب حدا عم يدور على طعمة نظيفة ورايقة وما عندو مشكلة ينطر شوي، لأن الجودة والخدمة بتشفعله هالتأخير. بشكل عام تجربة حلوة وبنصح فيه للي بدو ياكل شي مرتب على رواق.
تقييم saudi box
جربت الكركديه عندهم وكان فعلاً ظريف ومنعش كتير بهالجو. اللي عجبني بالموضوع أن الخدمة كانت سريعة بشكل مو طبيعي، استلمت طلبي بدقيقة واحدة بس. الطعم كان طيب وموزون، بس حسيت أن السعر مرتفع.. بشكل عام التجربة كانت حلوة ومناسبة للي حابب ياخد شي بارد وسريع وهو بطريقه، أكيد ممكن أرجع أجرب أصناف تانية عندهم.
تقييم Parfait Patisserie
جربت المحل هاد اليوم، بصراحة الأصناف اللي جربتها كانت كتير طيبة وواضح إنها طازجة وشغل مرتب. المكان ظريف وقعدته مريحة، بس حسيت الأسعار شوي غالية مقارنة بغير أماكن. رغم هالشي، التجربة كانت حلوة وممكن أرجع أعيدها لما أكون حابب أدلل حالي بقطعة حلو مميزة.
تقييم نبيل نفيسة وإخوانه
صراحة المكان ظريف وقعدة حلوة، والواحد بياكل فيه شي بيشبع. جربت النابلسية عندهن، أحياناً بتكون طعمتها بتشهي ومزبوطة، وأحياناً بتختلف شوي بس بتضل مقبولة. الشيء اللي بيشفعلهن دايماً هو الأسعار اللي بيقدموها، يعني مناسبة جداً للكل. أكيد رح أرجع أزور المحل مرة تانية، لأن المحل بيضل خيار سهل وسريع لما الواحد يشتهي شي حلو.
تقييم مطعم الشيف أبو دانيال
جربت وجبة خراطيش الشاورما عند مطعم الشيف أبو دانيال، وبصراحة الأكل كان كتير طيب وطعمة الجاج ظريفة وموزونة. المكان بقدملك وجبة مشبعة ومرتبة، والقعدة مريحة. هي مو أول مرة بطلب منهن وما رح تكون الأخيرة لأن الأكل فعلاً بينعاد، والخدمة كانت سريعة ومحترمة. بنصح اللي حابب ياكل سندويشة شاورما أصلية يجرب من عندهون، تجربة موفقة والواحد بيطلع شبعان ومبسوط.
تقييم قهوة الريس
بصراحة، "قهوة الريس" مكان رائع جداً. القعدة فيه كتير حلوة ومريحة، بتحس حالك ببيتك. الخدمة ممتازة وسريعة، الشباب ما بيقصّروا أبداً. والأكل كمان طيب كتير، كل شي جربتو كان بيشهّي. بنصح فيه للي حابب يقضي وقت حلو ويستمتع بقهوة أو أكلة طيبة.
تقييم Kankane Cafe
رحت على Kankane وكانت القعدة كتير ظريفة. الأجواء عندهم عنجد حلوة ومريحة، بتحس حالك قاعد بمكان رايق. والموظفين كلهم خدومين جداً، أي شي بتطلبو بيلبوه بسرعة وبابتسامة. الأكل كمان كان طيب والمشروبات منعشة. تجربة حلوة بشكل عام وبتستاهل الزيارة.
بتنورنا بزيارتك بكل الاوقات سيد محمد
تقييم مطعم أونو
رحنا على مطعم أونو وطلبنا شيش وهوت دوغ جبنة وفرانشيسكو، بصراحة الأكل كان كتير طيب، ومو بس هيك، حتى الكمية كانت ممتازة ومناسبة. المكان ظريف وخدمتهم سريعة. تجربة حلوة وبنصح فيه للي حابب ياكل أكلة طيبة ومضمونة بلا تعب.
تقييم Octane
Octane عنجد مكان كتير حلو وظريف لقعدة رايقة. حسيت بالراحة من أول ما دخلت، والموظفين كانو لطيفين كتير وعم يخدمو بكل صدر رحب. والقهوة تبعون طيبة كتير، بتعدّل المزاج عنجد. صار من الأماكن المفضلة عندي، أكيد رح ارجعله مرة تانية.
تقييم Paprika
بصراحة، أكلت من Paprika أكتر من مرة والشاورما عندن كتير طيبة، التتبيلة مميزة وعجبني طعما كتير. بس أوقات لما بكون عاملين عروض، بحس إنو كمية الشاورما بالسندويشة بتصير أقل شوي. بشكل عام حلو، بس ياريت يثبتوا الكمية بكل الأوقات.
تقييم Golden chicken
بصراحة، أكل Goloden chicken طيب وبيستاهل التجربة. الدجاج عندهم نكهته مميزة والكمية مناسبة. الأسعار كمان حلوة ومقبولة بالنسبة للجودة اللي عم يقدموها. بس الشي الوحيد اللي ممكن يضايق شوي هو العجقة بالصالة، أحياناً الواحد بيعاني ليلاقي مكان أو يطلب، يا ريت يلاقوا حل لهالموضوع. بشكل عام تجربة جيدة جداً وممكن أرجع أكيد.
تقييم سناك ياهلا
بصراحة، سناك ياهلا كتير طيب وأكلهم نظيف وهالشي مهم عندي. صحيح بحس الأسعار شوي مرتفعة مقارنة بغير أماكن، بس لما تشوف الجودة والنضافة بتحس إنو بيستاهل كل ليرة. يعني بالنهاية الواحد بيدفع وهو مرتاح وعم ياكل شي طيب ومضمون. بتمنى يضلوا محافظين على هالمستوى.
تقييم أكشن بيتزا
صراحة أكشن بيتزا من المحلات اللي بضل ارجعلها. البيتزا عندهم جد طيبة، والعجينة خفيفة ومستوية تمام. بس اللي عنجد سرقت قلبي هي البطاطا تشيز، يا جماعة هي عالمية! كمية الجبنة اللي عليها والبهارات بتجنن، بتتاكل اكل. المكان نظيف والخدمة سريعة كمان. بشكل عام تجربة حلوة كتير ومستحيل أمل منها.
تقييم Steam Coffee - ستيم
من الأماكن اللي بحب أقعد فيها كتير. قهوتهم جدًا طيبة ونكهتها مميزة ما بتلاقيها بكل مكان. الشباب اللي بيشتغلوا هنيك كتير محترمين وخدمتهم راقية، بتحس حالك ببيتك. الأجواء بشكل عام هادية ومريحة، يعني بتصلح للي بدو يشرب قهوة ويرتاح شوي أو حتى يشتغل على اللابتوب. تجربة حلوة وبكررها دائمًا.
تقييم مبهر
بصراحة، كنت عم دور على مكان يقدم نودلز طيبة وهاد المحل طلع مبهر! جربت النودلز بالجاج وكانت طيبة كتير، النكهة غير شكل والجاج مستوي مزبوط. والأحلى إنو الكمية كانت مشبعة وممتازة، يعني أكلت و شبعت بجد. أكيد رح أرجع جرب باقي الأطباق تبعهم.
شكراً لك على تقييمك ، نتمنى أن نكون دائماً عند حسن ظنك
تقييم مطعم الدوار
رحت عالدوار من فترة وقعدتو كتير حلوة ومريحة، حسيت حالي ببيتي. الستيك اللحم كان شي فاخر، طعمو ولا أطيب ومستوي متل ما بحب. الأكل بشكل عام كتير طيب وهاد أهم شي. بس يمكن الأسعار شوي عالية، يعني مو كل مرة بقدر روح، بس بشكل عام تجربة حلوة وبتستاهل.
تقييم طويق (قهوة مختصة)
والله هالمحل طويق شي فاخر من الآخر. القهوة تبعون بتطير العقل، يعني كل كاسة أحلى من التانية. والشباب اللي عم يشتغلوا عنجد محترمين كتير، حتى لو المحل عجقة بتشوف الابتسامة على وشوشهن. الأسعار كتير مناسبة بالنسبة للجودة اللي عم يقدموها. عنجد بيستاهل الواحد يزورهم كل يوم.
ريتوا الف صحة و هنا، شكرًا على هذا الاطراء، ناطرين زيارتك بالايام المقبله💚
