تطبيق صريح
أسرع وأسهل — جرّبه على هاتفك
تحميل
تقييم مأكولات الشام
فرع السادات لا يعلى عليه من حيث جودة الأكل و التنوع فيها
من ماريا الشام والشاورما للسندويش الغربي وخاصة كرانشي
خدمة الزبائن جيدة جداً و التوصيل سريع
مشكلتو الوحيدة أنو أسعاره مبالغ فيها
• الصراحة عم اكتب هاد التقييم خصوصاً لاحكي عن تجربتي بفرعه الجديد بضاحية قدسيا - ساحة تروي (النجمة)
طلبت من عنده نصف بروستد و كان كالعادة لذيذ كتير بس طلبت معه ربع شاورما أول مشكلة إنو نزل
نزل البروستد و أكلت وشبعت وما نزلو الشاورما مع إني ذكرتهم بطلبي
مما اضطرني لالغيه بالأخير بسبب التأخير و العجئة
تاني مشكلة لما اجتني الفاتورة لقيت ربع الشاورما حسابو ٧٥ ألف يعني الكيلو ب ٣٠٠ ألف بينما بنفس هداك الوقت كان كيلو الشاورما بفرع السادات ب ١٨٠ ألف
هاد الشي جدا زعجني و لهلأ مستغربة فرق السعر من فرع لفرع .
تقييم Mandella
•ديكور المكان حلو ومريح
•جربت فيه السندويش وكان مثالي وقتها من ناحية الحجم والطعم والمقبلات
•جربت البيتزا و سلطة سيزر و يلنجي
البيتزا كانت المكونات يلي عليها جدا قليلة مثلاً اخدت بيتزا جاج كان في قطعة جاج وحدة على كل مثلث
و اليلنجي خمس قطع فقط .
•جربت البان كيك كتير طيبة خصوصاً الشوكولا يلي عليها بس ياريت نستخدم عجينة البان كيك الأصلية ، يلي كانت موجودة كانت أسمك وأقسى أشبه للكاتو المنزلي .
•خدمة الأراكيل ممتازة و كانت ظريفة بال٣ زيارات الي هنيك
•بس اكتر نقطة زعجتني لما اطلب قهوة بيعملو دولة وحدة لشخصين فنجان بيكون مقبول و التاني بيتعبى نصو طحل ، المفروض دولة لكل شخص طالما اخدين السعر لطلبين ! وحجم الفنجان صغير بنصحكم تركزو على هالنقطة مشان ما تخسرو محبي القهوة لأنهم كتار .
