تطبيق صريح
أسرع وأسهل — جرّبه على هاتفك
تحميل
تقييم عصير أبو عبدو
ملاحظة ( التقييم لفرع كفرسوسة )
القعدة كتير حلوة والمكان كبير والمشروبات منيحة بس الموظفين الخارجيين ، الكاشير والشباب يلي برا ما عندهم احترافية بالعمل ، طلبت كاسة امريكانو وقلي انو مافي امريكانو ف سألتو عندك ايسبريسو قلي اي وسألتو عندك مي قلي اي ، قلتلو بس مافي امريكانو 😂😂😂
المهم المكان ظريف بس للميلك شيكات او القشاطي او هدول القصص
تقييم المطعم الصحي
برأيي افضل مكان للشاورما ، الخدمة مو كتير سريعة بسبب الزحمة دائماً ، بالنسبة للاكل بالصالة بلاقيه كتير مريح والقعدة ظريفة والموظفين كتير رائعين ، الاسعار شوي صغيرة مرتفعة بس هاد الشي طبيعي لانو الجودة كمان مرتفعة يعني بتاخد جودة مقابل سعر ، يفضل لو معك سيارة تحسب حساب انو نادراً ما تلاقي صفة جنب المطعم ف رح تتضطر انك تصفها شوي بعيد
تقييم بروستد القصور
ملاحظة ( تقييم فرع دوما )
الموظفين كتير محترمين و ودودين وعندهم ادراك عالي و تحمل لضغط العمل ، سرعة الطلبات عادية يعني مو كتير سريعة ولا كتير بطيئة ، المكان دائماً مزدحم نوعاً ما ، والاكل ظريف يعني جودة مقابل سعر واختياره للمكان مناسب جداً يعني صاير بنص دوما تقريباً و اخد مساحة كبيرة ليستحمل الزحمة
تقييم Boho - بوهو
الموظفين بيتعاملو بنفسية و الاسعار جداً مرتفعة ، جو الكافيه مو سيء و المينيو عندهم واسع وكبير بالخيارات ، بس المكان ما واضح الجو تبعو لا هو للعب الورق ولا هو للقعدة يعني صاير بالنص تقريباً ، و اوقات العيد او المناسبات بكون كتييير عجقة و اغلب الاحيان مارح تلاقي مكان ف لو حابب تجربه يفضل تحجز قبل ما تروح
تقييم Steam Coffee - ستيم
ملاحظة ( تقييمي لفرع الشعلان)
المكان هادي ، والشباب يلي عم يشتغلو ظراف ، جو الكافيه هادي لحتى الواحد يخلص شغل على اللابتوب او ، انا اوقات كون حابب اقعد لحالي بروح لهنيك ، لانو القعدة وهيك ما مناسبين لاقعدة رفقة او هيك شي لانو المكان كتير صغير ، بس مع هيك بيستاهل التجربة القهوة عندو ظريفة بس محتاج يعمل كاسات للقهوة الباردة لانو طريقة تقديمها ما اظرف شي اما غير هيك كلو ممتاز وكلو رواق
