عصير أبو عبدو

اسعار ابو عبدو اغلا من الاسعار العادية مقابل نفس الخدمة احيانا كتير ما بيلتزمو بتعليماتي انو العصير من دون سكر وبيطنشو وهالشي تكرر اكتر من مرة وكل مرة بروح وبخبرهن انو مو هيك كان طلبي اضافة لبطء الخدمة بفرع كفرسوسة كتير والحلويات عندو كتير فيها سكر بتمنى لو يعملو شغلات بشكل خفيف

بصراحة طول الطلب كتير ليوصل، وهالشي لحاله بيخليك تزهق. ولما وصل العصير طلع كتير حلو، يعني ما قدرت كمله. بتمنى يراعوا هالشي ويخففوا السكر شوي، وكمان يسرعوا بالتحضير والتوصيل. مو أول مرة بتصير معي هيك.

جربت عندو سلطة الفواكي كانت مليانة فريز يمكن العالم بتشوفا شي سيء بس بالنسبة الي كتير بحبو لهيك انبسطت فيها🍓❤

الطعمة شي ولا اطيب.
جربت عندو القازان، كان طيب كتير ودسم.
ماكتير حبيت قازان الكريما، القشطة اطيب بكتير كان.
اسعار شوي غالية. خصوصي فرع مول كفرسوسة.
في شوية زحمة مبالغ فيا خصوصي بفرع ساحة عرنوس.
الباقي مافي اي اعتراض عليه.

طعم لذيذ وشغل نضيف ومرتب

العصائر عنده ممتازة وفريش بس سلطات الفواكي عبارة عن فريز وموز يعني مافي تنوع بلفواكي وكمية الفواكي كتير قليلة

بصراحة، عصير أبو عبدو من المحلات اللي بتعمل مشروبات كتير طيبة ولذيذة. كل ما بمر من جنبهم لازم أطلب شي. بتلاقي عندهم خيارات حلوة ومتنوعة، وكل نوع أطيب من التاني. الجودة دايماً ممتازة و بتحس العصير فريش ومصنوع بحب. مكان مناسب كتير للي بحب يشرب شي منعش ومميز.

ملاحظة ( التقييم لفرع كفرسوسة )
القعدة كتير حلوة والمكان كبير والمشروبات منيحة بس الموظفين الخارجيين ، الكاشير والشباب يلي برا ما عندهم احترافية بالعمل ، طلبت كاسة امريكانو وقلي انو مافي امريكانو ف سألتو عندك ايسبريسو قلي اي وسألتو عندك مي قلي اي ، قلتلو بس مافي امريكانو 😂😂😂
المهم المكان ظريف بس للميلك شيكات او القشاطي او هدول القصص

تجربة حلوه وعصائر طازجة فريش إن كان كوكتيل أو عصائر أو ميلك شيك وغيرها من منتجات الي عندهم تستاهل التجربة والخدمة عندهم حلوه

بصراحة عصير أبو عبدو من أطيب المحلات اللي بتعمل عصير. اللي بيميزه إنه كريم كتير بالكميات، ودايماً بتلاقي الطعمة الأصلية والطازجة. حسيت فرع الصالحية بالذات أكرم شوي بالتقديم، بس بشكل عام كل شي عندهم حلو ومرتب. التجربة دايماً ممتعة وبترجع بتعيدها.