تطبيق صريح
أسرع وأسهل — جرّبه على هاتفك
تحميل
تقييم باشن فروت
جربت عندو ميلك شيك الشوكولا و الفريز وصراحة كانو كتير طيبين ودسمين ...الطلب جهز بسرعة وتعاملن كان لطيف ..سعر الواحد 300ليرة
وجربت صور الكاسات بطريقة غير اليوم🤣🤍
تقييم Delicious
جربت عندو نوعين سندويش غربي وحدة كانت طيبة برأيي واللي هية كريسبي مع موزريلا والتانية كانت عادية جدا وفيها جاج مع شيدر..البطاطا كانت كتير طيبة وتعاملن كان لطيف ..
بالنسبة للسعر كان سندويشتين جاج مع بطاطا ومعكرونة ب900 ليرة
تقييم انتيكا
هالكافيه فعلا اسم على مسمى كلشي فيه انتيكا وبذكرني بالاجواء القديمة جربت عندو العصير كان منيح صراحة بس شوي خفيفة نكهتو و القهوة عندو طيبة كتير اسعارو مناسبة جدا والديكورات حلوة برأيي تجربة تعاد🤍
تقييم Quick shop
جربت عندو الستروبيري ماتشا صراحة كانت اول مرة بجربا..طيبة نوعا ما بس كتير فيها سكر ياريت يخفف شوي واذا اشتغل عليها اكتر بتطلع اطيب اكيد..الايس كوفي عندو طيبة برأيي واسعارو منطقية جدا😄
تقييم سناك الرواد
جربت عندو البطاطا تشيز ونقانق اللحمة وبرأيي كانو كتير طيبين..الجودة ممتازة وتعاملن محترم والطلب جهز بسرعة..اسعارو منطقية ومقبولة 😄🤍
تقييم فيلا ورد
هي تاني مرة بروح وصراحة ما ندمت حبيت الديكور والقعدة عندن وجربت المشروبات وكانو طيبين..معاملتن لطيفة ونزل الطلب بسرعة..طلبنا اربع مشروبات واركيلتين طلع عالواحد 80 الف.. بنصح فيه برأيي😄
تقييم مزاج
اليوم كانت التجربة بهاد المطعم وصراحة ما ندمت كلشي كان طيب وظريف..لفت نظري اديش تعامل الشباب والصبايا لطيف ومحترم وبضلو كل الوقت عم يشوفو اذا ناقصنا شي.. مكان بيستاهل حسب تجربتي😄🤍
تقييم Ghanache
جربت عندو الغاناش ايس كوفي ويلي هية خلطة المحل ..طلعت كتير طيبة ودسمة وسعرا 15 الف...بس في ملاحظة صغيرة انو غير مناسبة ل يلي ما بحبو السكر😂
وبنصح فيه برأيي..✨
تقييم بيت عربي
اليوم جربت هالكافيه مع رفقاتي وصراحة ما ندمت طلبت وجبة اسما بيت عربي وفعلا كانت طيبة وبتستاهل وجربنا الزنجر والفاهيتا وكمان كتير طيبين
بالنسبة للمشروبات جربت البلو مرغريتا وكانت نكهتو مميزة وطيبة ..الكادر متعاون والديكورات لطيفة
كلشي تمام بس المشكلة الوحيدة انو الطلب بطول منيح لينزل
تقييم بيتنا بيتك
جربت عندو البوظة والعصائر وكانو طيبين كتير صراحة بيستاهل التجربة واكيد لح روح دائما لانو القعدة رايقة برأيي وتعامل الكادر كتير محترم🤍
تقييم saudi box
جربت عندو الايس موكا وموهيتو التوت صراحة كانو طيبين وجودتن تمام...سعر الوحدة 40 الف.. تعامل الصبايا لطيف ومحترمين كتير😄🤍
تقييم cham grill
جربت عندو الفرانشيسكو و الكريسبي وضفت عليها موزريلا..كانت كتيير طيبة واجا مع كل وحدة كولا وبطاطا وسيزر .. الجودة ممتازة والاكل نزل متل النار واسعارو منطقية حتى بعد غلا الجاج..السندويش والوجبات نفس السعر تقريبا تجربة تعاد وبشدة 🤍
تقييم Chicken hut
الاكل عندو طيب برأيي.. جربت عندو الكريسبي والشاورما والسيزر هلأ الشاورما كانت شوي فاضية اما الكريسبي طيبة ومشبعة والسيزر حجما كبير..
صراحة بيستاهل التجربة بس يحسن الشاورما شوي وبصير تمام😄
تقييم World Of Donut
اكلت من عندو مرتين اول مرة دونات نوتيلاوكانت كتير طيبة ودسمة والنوع التاني بلوبيري انا مو كتير بفضل هي النكهة لهيك ما حبيتا..
المرة التانية كمان نوتيلا بس كانت الجودة متراجعة شوي لهيك ياريت ترجعوها متل قبل لانو ادماان كانت😄🤍
تقييم شي ناهي
كل ما بروح عالبرامكة باكل من عندو لانو برأيي اكلو طيب وخصوصي البطاطا تشيز جربتا سندويشة وعجبتني كتير بس الصحن في ملاحظة انو البطاطا بدا تحسين شوي .كانت جودتو مو متل العادة...اهم الشي انو عندو قعدة لو بسيطة بس مفيدة وقت يكون الواحد جوعان هنيك😂🤍
تقييم حلويات الخيّال
جربت عندو الدونات كانت كتير طيبة ومحشية بكريمة دسمة والكيك كان تازة..معاملتن لطيفة واكيد لح ارجع جرب اصناف تانية😄
تقييم كومي مارو
جربت عندو نوعين سوشي صراحة مو متذكرة اسمن بس فيهن تونا وقريدس كانو😂
برأيي كان في واحد طيب وواحد مو كتير حسب كل حدا شو بفضل .. المعاملة كانت كتير لطيفة واكيد ممكن عيدا بما انو فتحو واخيرا😄🤍
تقييم كراج كافيه
جربت عندو الSmoothieصراحة كان مقبول بس كتيير فيه سكر ياريت لو يخفف شوي وجربت الفرابتشينو كان طيب برأيي+الديكور حلو😄
تقييم مدينة الشام الرياضية
جربت عندن الميلك شيك وكان جدا طيب وبيستاهل قعدنا فوق مشان الشمس بس كان مغبر ومو كتير حلوة القعدة..ظريفة للاهل اذا بدن يشوفو ولادن وهنن عم يلعبو..اما تحت برأيي مقبولة وحلوة بالنسبة لشي بيجمع كل هالنشاطات بمكان واحد..
+في ملاحظة صغيرة ما دخلا بالاكل بس ياريت موظفين الكارتينغ يكونو الطف شوي بأسلوبن
تقييم فروج الزين
اكتر شي بجربو بحياتي هو محلات الشاورما😂💔
وبكل مرة باكل من عند الزين بحس بطعمة الشاورما الأصلية يلي عنجد بتستاهل تتسمى شاورما وتتبيلتا فعلا طيبة ومو مبالغ بالتوابل لدرجة مزعجة متل غيرو
كريم واكلو بيستاهل برأيي
