تطبيق صريح
أسرع وأسهل — جرّبه على هاتفك
تحميل
تقييم غراند لاونج
جربت عندو الفطور مع رفقاتي وصراحة كتير حبيت الأصناف كلشي طيب تقريبا وفي تنوع كبير وفي شغلة حلوة انو اذا بزيد اكل بيدفع الواحد ضريبة وهي ضمان مشان ما حدا يبالغ او يكب شي
تقييم مطبخ وحلويات العامر
جربت من عندو الطبخ الشرقي والحلويات وصراحة كتير حبيتن اسعارو مناسبة والجودة حلوة
بنصح فيه👍🏻🤍
تقييم معجنات النصر
كل مابكون جاية ع بالي اكلها اول حدا بفكر فيه هو هالمحل شغلو كتير طيب بس في ملاحظة عالسجق انو لو يخفف عجين شوي اما الباقي كلو توب بالنسبة الي
تقييم المطعم الصحي
جربت عندو الطبخ الشرقي وصراحة طعم ولا اروع.. تجربة تعاد بس الشاورما بالنسبة الي مو كتير حبيتا
تقييم مطعم سيروب
من زمان باكل عندو و وقت يجي عبالي سجق هو أول حدا بفكر فيه محافظ عالطعمة نفسا ما بتتغير وصراحة بيستاهل التجربة..🤍
تقييم بي باتيسيري - المزة
جربت عندو الكيك وكان اكتر من رائع مغرق بالشوكولا الطيبة وتازة اهم الشي صراحة تجربة تعاد وبشدة وبيستاهل سعرو بالنسبة للجودة
تقييم شبيكة
كانت تجربة حلوة حبيت الشاورما عندو وبصراحة بيستاهل السمعة الحلوة تبعو بسبب الجودة والطعم الطيب ... ✨
تقييم سينسز - Senses
جربت العصائر والاراكيل بصراحة مو كتير حبيت العصير وبالنسبة لسعرو ما بيستاهل الأركيلة ظريفة..القعدة برا حلوة بس جوا ما حبيتا
جيد اجمالا بس مو احسن خيار
تقييم عصير أبو عبدو
جربت عندو سلطة الفواكي كانت مليانة فريز يمكن العالم بتشوفا شي سيء بس بالنسبة الي كتير بحبو لهيك انبسطت فيها🍓❤
تقييم نبيل نفيسة وإخوانه
اكتر شي بحبو عند هالفرع المدلوقة.. الكنافة والقشطة كتيير طيبين بس ياريت لو يكتر الفستق شوي وبالنسبة الي وقت بدي اكل هالاكلة او النابسلية والوربات بتوجه لعندو فورا وبدون تفكير
تقييم رومينزا
كل ما يكون عندي مناسبة اول حدا بفكر فيه هو هالمكان الفخم طعمة الشوكولا عندو كتير طيبة والجودة توب..من فترة جبت قالب كيك وبرأيي كتير كان طيب وبيستاهل
تقييم سلطان الشام
من زمان باكل عندو واكلو كتير طيب ومتعوب عليه بس للاسف اخر مرة رحت طلبنا وجبتين شيش وسلطة جرجير واركيلتين وحسب كل شغلة لحالها عالفاتورة بس طلع هو عامل عرض ع نفس الشغلات يلي طلبناهن ومع ذلك ما حكالنا عالعرض
العرض كان وجبة جاج مع سلطة وكولا والمي والضريبة 75 عالشخص
اما فاتورتنا طلعت 410 تالاف..كان مسعر الوجبة ب90 عالمنيو حسبها ب 100 عالفاتورة ونزّل مخلل كبيس ومايونيز بدون ما نطلبن وكمان حسبن عالفاتورة 50 الف وقت رجعنا قلنالو ليش هيك قال نحنا ما طلبنا العرض مع انو هو مو منزلو عالمنيو ولاحكى عنو وقت اخد الطلب
تقييم مأكولات الشام
طيبة ك تتبيلة وك كمية جاج والسندويشة مسقسقة بس عم تقرش من برا بنفس الوقت وهاد الشي اللي بفضلو والبروستد كتير طيب بس في مشكلة صغيرة انو كتير معجوق لهيك الطلب بطول شوي
تقييم أورينت
جربت عندو الكريسبي وبرأيي كانت كتير طيبة والقعدة حلوة وتعاملن كتير رايق..الوجبة مشبعة جداا يعني اموركن باللوز😂🤍
تقييم بروستد القصور ماكس
مجربة عندو الشاورما العربي وشاورما اللحمة وماريا القصور والبروستد والمشوي كلو كان كتير طيب والجودة نار الا الماريا كانت شوي سيئة بس اخر فترة صار يختصر شغلات من الوجبة وتراجعت الجودة والتتبيلة شوي ياريت ترجع متل قبل لانو كتير كنت حب الكرم يلي فيه
تقييم بيغ تيستي
جربت عندو نوعين سندويش وصراحة ما كنت متخيلة تطلع بهالطعمة الخرافية هي..كتير طيبة ومو ناشفة ابدا وحتى البطاطا طعمتها طيبة والشباب كتير متعاونين..اسعارو شوي غالية حسيت يعني طلع عالواحد 90 الف سندويشة وكولا
تقييم سوبر ستار
شغلو كتير طيب ومحافظ ع نفس المستوى من زمان معاملتن حلوة والاكل عندو مشبع وظريف
تقييم أورانج
جربت عندو سلطة النوتيلا كانت كتير طيبة ومثالية لحدا جاعبالو ياكل شي حلو وفيو نكهات متنوعة وجربت ميلك شيك الاوريو والعصائر الطبيعية كمان كانو طيبين..تعامل الكادر ممتاز والخدمة حلوة بالنسبة للعجقة الموجودة والنضافة تمام🩷
تقييم دجاجتي
جربت عندو البروستد و الشيش بالفخارة بس صراحة ك رأي شخصي مو كتير حبيتا كان الجاج قاسي والتتبيلة مو كتير طيبة
اما البروستد كان تمام وطيب ك تتبيلة وقرمشة🤍
الكادر متعاون والمكان نضيف بس الطلب بطول شوي لانو ماشالله كتيير معجوق😄
تقييم مانديلا
مكان كتير مناسب لجمعة رفقات او حتى مشوار عيلة الديكور كتير متعوب عليه جربت عندو كتير شغلات البوظة والمشروبات والوجبات لفت نظري الكوردون بلو حجم الوجبة كتير كان تمام ومشبعة وطيبة الاسعار كتير مقبولة يعني ب 150الف الواحد بياكل وجبة وبيشرب شي مرتب ومع الضريبة وكلشي وبيطلع مبسوط تعاملن كتير محترم ولطيف🩷🩷
