تطبيق صريح
أسرع وأسهل — جرّبه على هاتفك
تحميل
تقييم تشيكن هت
الاكل عندو طيب برأيي.. جربت عندو الكريسبي والشاورما والسيزر هلأ الشاورما كانت شوي فاضية اما الكريسبي طيبة ومشبعة والسيزر حجما كبير..
صراحة بيستاهل التجربة بس يحسن الشاورما شوي وبصير تمام😄
تقييم وورلد أوف دونات
اكلت من عندو مرتين اول مرة دونات نوتيلاوكانت كتير طيبة ودسمة والنوع التاني بلوبيري انا مو كتير بفضل هي النكهة لهيك ما حبيتا..
المرة التانية كمان نوتيلا بس كانت الجودة متراجعة شوي لهيك ياريت ترجعوها متل قبل لانو ادماان كانت😄🤍
تقييم شي ناهي
كل ما بروح عالبرامكة باكل من عندو لانو برأيي اكلو طيب وخصوصي البطاطا تشيز جربتا سندويشة وعجبتني كتير بس الصحن في ملاحظة انو البطاطا بدا تحسين شوي .كانت جودتو مو متل العادة...اهم الشي انو عندو قعدة لو بسيطة بس مفيدة وقت يكون الواحد جوعان هنيك😂🤍
تقييم حلويات الخيّال
جربت عندو الدونات كانت كتير طيبة ومحشية بكريمة دسمة والكيك كان تازة..معاملتن لطيفة واكيد لح ارجع جرب اصناف تانية😄
تقييم كومي مارو
جربت عندو نوعين سوشي صراحة مو متذكرة اسمن بس فيهن تونا وقريدس كانو😂
برأيي كان في واحد طيب وواحد مو كتير حسب كل حدا شو بفضل .. المعاملة كانت كتير لطيفة واكيد ممكن عيدا بما انو فتحو واخيرا😄🤍
تقييم كراج كافيه
جربت عندو الSmoothieصراحة كان مقبول بس كتيير فيه سكر ياريت لو يخفف شوي وجربت الفرابتشينو كان طيب برأيي+الديكور حلو😄
تقييم مدينة الشام الرياضية
جربت عندن الميلك شيك وكان جدا طيب وبيستاهل قعدنا فوق مشان الشمس بس كان مغبر ومو كتير حلوة القعدة..ظريفة للاهل اذا بدن يشوفو ولادن وهنن عم يلعبو..اما تحت برأيي مقبولة وحلوة بالنسبة لشي بيجمع كل هالنشاطات بمكان واحد..
+في ملاحظة صغيرة ما دخلا بالاكل بس ياريت موظفين الكارتينغ يكونو الطف شوي بأسلوبن
تقييم فروج الزين
اكتر شي بجربو بحياتي هو محلات الشاورما😂💔
وبكل مرة باكل من عند الزين بحس بطعمة الشاورما الأصلية يلي عنجد بتستاهل تتسمى شاورما وتتبيلتا فعلا طيبة ومو مبالغ بالتوابل لدرجة مزعجة متل غيرو
كريم واكلو بيستاهل برأيي
تقييم الشامي الأصيل
من اكتر المحلات يلي بحب اكل عندن...الخدمة سريعة والاكل طيب...تعاملن كتير محترم والشاورما عندن مدعومة وطيبة
+صراحة كتير بحب طعمة المايونيز عندو😂🤍
تقييم حكاية جبل
من اكتر المطاعم يلي بحس قعدتن رايقة وحلوة والView بجنن بس المشكلة الوحيدة انو لازم تحجزو قبل بمنيح وقت لتلاقو طاولة.. جربت عندن الشيش بالفخارة والشيش المشوي والمشروبات صراحة كانو طيبين بس الشيش مشكلتو ناشف شوي اما الصوص كتير دسم وطيب.. تجربة تعاد بالنسبة الي والاسعار منطقية
تقييم برغزم
جربت عندو الكرانشي برغر وصراحة كتير حبيت والبطاطا طعمتها كانت كتير طيبة بس السلطة كانت شوي مرة..المكان رايق ونضيف والشباب متعاونين بالنسبة للأسعار الجاج واللحمة نفس الشي تقريبا..كرانشي برغر مع كومبو طلع 100عالشخص بس الجودة ممتازة
تقييم ليدي
القعدة عندو بسيطة بس فيها اجواء شامية قديمة ... جربت عندو العصائر وبرأيي كانو مناح والاسعار عادية ...
تقييم أمية كلاس
جربت البوظة والكيك والدونات صراحة البوظة كانت طيبة بس الكيك حسيت ناقص نكهات شوي يعني طعمة السكر فيه كتير قوية ومافي نكهة شوكولا او كريمة ظاهرة بس في عندو البوظة العربي كتير طيبة يعني بعطيها خمس نجوم ك رأي شخصي
تقييم جبل بلودان
برأيي اكلو طيب والسندويش عندو مو ناشف ابدا والبطاطا فريش.. اسعارو كتير منطقية واكيد لح عيدا مرة تانية لانو بيستاهل حسب تجربتي
تقييم الفطيرة الساخنة
جربت عندن البطاطا تشيز بناءً عالتقييمات هون وصراحة كانت ظريفة والبطاطا طعمتها طيبة بس في ملاحظة صغيرة انو ياريت تكترو الموزريلا فوق الصوص شوي بتصير تمام التمام👌🏻😄
تقييم كريسبي واي
جربت عندن الكريسبي والموزريلا ستيك صراحة الكريسبي طيبة بس الموزريلا ستيك ابدا ما كانت طيبة ولا ناجحة وصلت باردة مع انو نحنا ما تأخرنا بأخد الطلب وكمان شوي مبالغ بسعرا 6 اصابع صغار ب40 الف والجودة كتير عادية
الوحبات غالية شوي كمان بس حجما كبير ومشبعة
تقييم كريزي كارت
جربت عندو الاسكالوب وضفت عليها موزريلا صراحة كانت كتير طيبة وما توقعتا تطلع بهالجودة مليانة جاج وموزريلا.. سعرا 60 اجا معها بطاطا وكولا وحجما مشبع
تقييم nami | نامي
كنت ما حب السوشي بس غيرت نظرتي بعد ما جربتا عندو..حبيت كل الانواع الا واحد كان مو كتير طيب
الاسعار شوي غالية بس تجربة تعاد صراحة لانو تغيير عن الاكل الجاهز اللي متعودين عليه
تقييم الليوان
صراحة انا كتير بحب هالمحل وخصوصي البوظة من عندو.. مجربة كتير شغلات بس البوظة تفوز بالنسبة الي لانو طعمتها وجودتها غير باقي الأماكن
مالقيت غير هالصورة الفاشلة بس it's ok😂
تقييم دهب
العصائر عندو طيبة والقعدة لطيفة النضافة تمام وتعامل الكادر حلو ومتعاونين...
صراحة بنصح فيه ك رأي شخصي..🤍
