مأكولات كمال عياش

😀أفضل مطعم في سوريا

بصراحة، "مأكولات كمال عياش" مكان ولا أروع. كل ما بطلب منه بيوصل سخن وطازة، والطعم بياخد العقل. الشاورما عندهم غير شكل، والدجاج المشوي كمان كتير طيب ومتبل صح. صراحة صرت زبون دائم وما بمل أبداً من أكلهم، دايماً بيبيضوا الوجه. يستاهل كل نجمة.

من زمان وأنا عم آكل من عند كمال عياش، الأكل الغربي عندو بيجنن مو بس الشاورما. الكمية دايمًا بتكفي وتزيد، وكريمين كتير بالوجبات. عنجد كل شي بطلبو من عندن بيكون ولا أطيب، وصار هو خياري الأول كل يوم.

بصراحة، أكلت من عند مأكولات كمال عياش وكانت التجربة خرافية! الشاورما كانت كتير طيبة والشباب عنا انبسطوا عليها لدرجة انو حرفياً تقاتلوا عالسندويشات. الصوص يلي كانوا متبلين فيه الشاورما كان شي تاني خالص، نكهة ما الها مثيل. كلنا كنا حوالي ٢٠ شخص وكلو كان مبسوط وعم ياكل أصابيعو وراها. تجربة بتستاهل كل ليرة.

فرع المزة شيخ سعد طلبت وجبة عربي
والأمانة الجاج كتير نضيف ولونه أبيض بيفتح النفس والاستواء تبعه مية مية وكريم الثوم استذة
الوجبة كميتها كبيرة وبتشبع تمام
بس..
الملاحظة الوحيدة عالطعم هي التتبيلة كانت خفيفة ومحتاجة بهارات أوضح لتعطي النكهة القوية تبع الشاورما أما بالنسبة للخدمة فالطلب أخد حوالي عشرين دقيقة لينزل والويترية حسيتن مو مركزين وبدك تعيد الطلب أكتر من مرة ليفهموا عليك والقعدة بالمحل مانها مريحة لأن الطاولات لزق ببعض بزيادة
والنظافة بدا عناية اكتر بخصوص مسح الطاولات
الخلاصة.. الطعم جيد جدا بس المطعم محتاج يشتغل كتير على موضوع الخدمة والنضافة والترتيب
حرام يهملو هيك شي.

بصراحة، أكلت شاورما لحمة عندهم وكانت بتجنن! الخلطة كتير مميزة واللحمة طيبة كتير، بتحس إنها معموله بعناية. صارلي فترة عم دوّر على شاورما لحمة هيك، وأخيراً لقيتها. عنجد شغلهم نظيف وطعم الشاورما غير شكل. أنصح فيه وبشدة لكل مين بحب الشاورما الأصلية.

ما شاء الله، الأكل عند كمال عياش بيجنن عنجد! كل لقمة أطيب من التانية، طعمة البيت الأصيلة. صح بياخدوا وقت شوي لتحضير الطلبات، بس بصراحة الأكل بيستاهل كل دقيقة انتظار. ما حسيت بالوقت وأنا عم استنى من كتر ما الأكل طلع طيب ونظيف. دايماً برجع لعندن وبنصح الكل يجربوا.

أطيب شاورما لحمة ممكن تجربها كتير طيبة ولذيذة بالفعل أفضل مين باع شاورما لحمة على وجه الطابة الأرضية

الشاورما اللحمة خارقة حارقة من عندن عملت فيهن مقلب للشباب و استقبلوه بكل رواق من وقتا صرت اجي لعندن 😂